close

Вход

Забыли?

вход по аккаунту

Трехкомнатная квартира в комплексе "Святая София" (Saint;pdf

код для вставкиСкачать
УДМУРТ ЭЛЬКУНЫСЬ ДЫШЕТОНЪЯ НО НАУКАЯ МИНИСТЕРСТВО
2013-тћ ар
9-тћ класс
Удмурт кылъя ѐрос олимпиадалы юанъѐс
(удмурт кылэз тодӥсьтэм пиналъёсты дышетон программая)
I. Текстэз лыдњыса валан (лыдњиськон).
ТЕСТ
Шонер веранъёсты Ш пусэн тодмосты, янгышъёссэ – Я пусэн.
1. Ваня Котельников вордскиз Дэбес ёросысь Сюровай гуртын.
2. Арганэн шудыны Ваня ас понназ дышетскиз, атаез солы одӥг капчи
гурез гинэ возьматӥз.
3. Пияш 6 ар ӵоже Дэбесысь крезьгуръя школаын аккордеонэн шудыны
дышетскиз.
4. Али со дышетске Пермьысь искусствоосъя но культурая академиысь
художественно-педагогической факультетын.
5. Иван быгатэ шудыны баянэн, арганэн, фортепианоен, балалайкаен,
домраен, гитараен, трубаен, саксофонэн, аккордеонэн.
6. Удмуртиын улыкуз, со аслэсьтыз «КПП» нимо группазэ кылдытӥз,
али та группаысь егитъёс ог-огенызы воксё уг пумиськыло ини.
7. Ванялэн кырӟамез учкисьёслы туж яра: со сярысь верало пӧртэм
вожвылъяськонъёсын, фестивальёсын, концертъёсын вормонъёсыз, лауреат
нимъёсыз.
8. Иван кырӟанъёс гожъя: кылбурзэ но, гурзэ но, минусовказэ но ачиз
лэсьтэ.
9. Алигес Ваня вордскем музъемлы сӥзем кырӟан гожтӥз, чуръёсыз
мӧзмонэн пыӵамын.
10. Дышетсконзэ йылпумъяса, Ваня Удмуртие берытскыны чик уг чакла,
малы ке шуоно кытын-мар ужалоз – уг тоды на: ӵектонъёс ӧвӧл.
II. Лексика но грамматика удысын быгатонлыкъѐс.
Сѐтэм кылъѐсты радызъя текстысь буш интыосы шонер формае
пуктылыса гожты: кадь, туж, лэсьтыны, азвесь, капчи, огшоры, киуж, пукыны,
инты, туй. Кылъѐслэн радлыксы сураса сѐтэмын.
Вась тылскем дураз ___________ но нюлэскысь куараосты кылзэ.
Шутэтске. Со туннэ __________ зол жадиз. Но со понна сюлмаз ____________
но шуныт: кидысъёссэ умой ______________ кизиз. Но тазьы ____________
пукыны
кема
ӧз
чида
‒
кызьпу
_______________
лянэс
________________кутскиз. _______________ шудон чача кадь пӧрмиз: вылыз
___________ кадь тӧдьы, нош пушкыз зарни ________ӵуж.
(В. Чисталёв)
III. Сѐтэм югдуръя веран.
Россиын кемалась ӧвӧл пусйыны кутскизы Анайлэсь нуналзэ. Со
пусйиське шуркынмонлэн берпуметӥ арнянуналаз, нылкышнолэсь анай ужзэ,
нылпиосыз понна улонзэ сӥземзэ данъяса. Туэ со нунал 24-тћ шуркынмонлы
тупаз. Кызьы тон малпаськод, кулэ-а таӵе праздник? Кулэ ке, малы? Тынад
чакламедъя, кызьы пусйиськыны кулэ та праздник? Кыӵе ужрадъѐс ортчыны
кулэ та нуналэ? Пусйиськоды-а Анайлэсь нуналзэ семьяяды? Пусйиськоды
ке, кызьы?
Ужез быдэстыкуд тыршы:
● тунсыко малпанъёстэ усьтыны;
● текстэдлэсь люкетъёссэ радызъя, бќрсьысь бќрсе, ог-огенызы герњаса
сётыны;
● орфографилэсь но пунктуацилэсь куронъёссэ лыдэ басьтыны.
IV. Чеберлыко текстъя малпаськон.
Лыдœы Г. Даниловлэн «Лудкан» веросэзлэсь люкетсэ. Текст вылэ
пыкиськыса, Лудканлы дунъет (характеристика) гожты.
‒ Малы дугдћд? Кинлэсь курдад? – юаз Семи.
Лудкан вераськыны быгатысал ке, шуысал: «Азьпалан, кожон сьќрын,
кионъёс пуко. Неужто уд шќдћськы? <…>».
Семи, номыр сыџе-таџе малпатэк, азьлань вырњиз. Лудкан солэн пальто
сќзулаз куртчиськиз, мыныны уг лэзьы <…>.
Со кошкыны вырњиз. Лудкан азьпалаз потћз но сюрес вамен султћз.
Семиез мыныны уг лэзьы, лушкем нискетэ. Пияш мае ке шќдћськиз, отчытатчы учке. «Неужто кионъёс?! ‒ куаляк луиз сюлэмыз, быдэс мугорыз пќсяны
кутскиз <…>».
Мар кароно? Кионъёс матын ни. Дыртытэк лыкто, адями но пуны
пегњымтэысь паймо кадь.
Семи но Лудкан артэ сыло. Пунылэн чырты сьќрысьтыз кузь гонэз
пежырскемын <…>. Р-р-р! ‒ куара сётэ. Со кык сьќсьёсын жугиськыны
дасяське. Семи таки мар карыны уг вала. Кионъёсын кусыпсы ог дас вамыш
гинэ кылиз на. Соку Лудкан кузёез шоры учкиз. «Њеч лу! ‒ шуиз кадь со. ‒Ачим
быро, нош тонэ утё». Шуак тэтчыса, сьќсьёс пумитэ кошкиз.
‒ Лудкан, берлань! ‒ кеськиз пияш.
Пуны нырысьсэ ќз кылзћськы кузёезлэсь <…>.
Сьќсьёс мазэ-созэ валаса но ќз вуттэ ‒ Лудкан соос вискытћ чильк!
тэтчыса потћз, собере, синтэм-пельтэм бызьыса, сюрес кузя нюк улэ кошкиз.
Кионъёс зћрак берытскизы но со сьќры уйиськизы. Љоген соос куиньназы ик
кожон сьќры ышизы.
Ваньмыз Лудканлэн малпамезъя луиз: кионъёсыз со сьќраз нуиз <…>.
Кыллюкам:
Курдад ‒ испугался
Кожон сьќрын ‒ за поворотом
Сќзул ‒ подол
Куаляк луиз ‒ вздрогнул, встревожился
Пежырскемын ‒ взъерошены, подняты дыбом
9 класс
Горд – соин мукет
Алигес ортчылэм крезьгур фестивальѐсын ӵемысь кылӥськылћз Иван
Котельниковлэн нимыз. Вакчи дыр куспын ӝужась кизили тодмо луиз, уно
фанатъѐс люказ.
Ваня Котельников вордскиз Дэбес ёросысь Уйвай гуртын. Осконтэм кадь:
крезьгурен герӟаськымтэ семьяысь пияш 5 аресын кырӟаны кутскиз, соку ик
арганэн шудыны мылкыдыз бурдъяськиз. Атаез солы одӥг капчи гурез
возьматӥз, собере Ваня ас понназ дышетскиз ни, пичиен-пичиен пӧртэм тодмо
кырӟанъёсыз бичаны пӧрмытӥз.
‒ Уг тодӥськы, маиныз монэ крезьгур бордаз кыскиз. Та дырозь семьяямы
одӥг но кырӟась, крезьгурчи ӧй вал. Йырсие горд, оло, соин висъяськисько? –
серекъяса вера пияш.
Быгатонлыкъёссэ азинтон вылысь анаез 4-тӥ классын дышетскись пизэ
Дэбесысь крезьгуръя школае гожтӥз. 6 ар ӵоже пияш баянэн шудыны
дышетскиз, шӧдӥз, аслэсьтыз удыссэ шедьтӥз шуыса но, школазэ йылпумъяса,
Ижкарысь крезьгуръя колледже пыриз.
Али со дышетске Пермьысь искусствоосъя но культурая академиын,
сюлэмызъя луиз художественно-педагогической факультетысь калык хор ёзэт.
Эшъяське баянэн, арганэн, фортепианоен, балалайкаен, домраен, гитараен,
трубаен, саксофонэн, аккордеонэн. Ваньмон дыръяз Ваня «Посадские ребята»,
«Уральский хоровод», «Музыка без границ», «Иван да Марья» ансамбльёсын
но группаосын кырӟа.
Нош Удмуртиын улыкуз ай, со аслэсьтыз «КПП» нимо группазэ
кылдытӥз. Ёросазы егитъёс вакчи дыр куспын тодмо луизы, концертъёсын
бускель гуртъёсы но Шаркан палъёсы потазы, асьсэлэсь кылзӥсьёссэс
шедьтӥзы. Али соос гужемъёсы гинэ люкаськыло на: пиос кин кытчы
кошкизы, пӧртэм улосъёсын но каръёсын ужало яке дышетсконзэс азьланьто.
‒ Сцена вылэ ӵем ке но потасько, котькуд выступление азьын
сюлмаськисько. Сюлмы шумпотэ, калык шуныт пумита ке, – шуэ егит кырӟась.
Нош учкисьёслы Ванялэн кырӟамез туж яра: со сярысь верало пӧртэм
вожвылъяськонъёсын, фестивальёсын, концертъёсын вормонъёсыз, лауреат
нимъёсыз. Кырӟан гожтыкуз (кылбурзэ но, гурзэ но, минусовказэ но ачиз
лэсьтэ), дэбес пияш лыдэ басьтэ, мае кылзо туала егитъёс но, шоро-куспо
арлыдъемъёс но. Алигес Ваня шумпоттӥз выль кырӟанэныз. Азьвылъёсызлэсь
таиз зол висъяське. Сӥземын со вордскем музъемлы, чуръёсыз мӧзмонэн
пыӵамын.
Дышетсконзэ йылпумъяса, Ваня Удмуртие ик берытскыны чакла, но
кытын-мар ужалоз – уг тоды на. Џектонъёс трос. Валамон одӥгез: крезьгурен
со уз люкиськы, азьланяз но тыршоз кылзӥсьёссэ шумпоттыны.
(Е. Рябиная)
УДМУРТ ЭЛЬКУНЫСЬ ДЫШЕТОНЪЯ НО НАУКАЯ МИНИСТЕРСТВО
2013-тћ ар
10-тћ класс
Удмурт кылъя ѐрос олимпиадалы юанъѐс
(удмурт кылэз тодӥсьтэм пиналъёсты дышетон программая)
I. Текстэз лыдњыса валан (лыдњиськон).
ТЕСТ
Шонер веранъёсты Ш пусэн тодмосты, янгышъёссэ – Я пусэн.
1. Константин Никитин – Щепкин нимо театр училищеез туэ быдтэмъёс
пӧлын азьветлӥсь, «Узы-боры» киноысь Максим, «Шунды» казакпи, кырӟась
но ӝытъёсты нуись.
2. 9-тӥ класс бере Ижкарысь лэсьтӥськонъя 4-тћ номеро лицейын
дышетскиз.
3. Кырӟа удмурт кылын «Яратонэ», «Яратӥ-яратӥ», «Вераме потэ,
нылъёс» кырӟанъёсты, кудъёссэ ачиз ик гожтӥз.
4. «Яратӥ-яратӥ» кырӟан нырысьсэ удмурт кылын 2009-тӥ арын
«Усточикар» лагерьын чузъяськиз.
5. Костя ‒ «Шунды» огазеяськонлэн ёзчиез, татчы сое кыскизы Эграысь
Люба Громова но Пичи Пурга ёросысь Гожняысь Люда Чернова.
6. Пияшлэн аслэсьтыз гожтэм гуръёссэ кырӟамез потэ.
7. К. Никитин Д. Фонвизинлэн «Ослоп» пьесаяз валтӥсь геройлэсь ‒
Ослоплэсь ‒ рользэ шудэ.
8. Москваысь Щепкин нимо театр училищеез йылпумъямез бере пияш
Њуч драматической тетрын ужа.
9. Али театрын Москваысь режиссёр Сергей Яшин «Горе от ума» пьесаез
пуктэ.
10. Константинлэн верамезъя, солы театрын шудыны акыльтӥз ини.
II. Лексика но грамматика удысын быгатонлыкъѐс.
Сѐтэм кылъѐсты радызъя текстысь буш интыосы шонер формае
пуктылыса гожты: выллем, юаны, толалтэ, гинэ, мукет, юан, капчигес, яратыны,
та, соос. Кылъѐслэн радлыксы сураса сѐтэмын.
Лыдњись _____________: малы нош сое коньыгуби шуо? Оло, коньы сое
__________________ яратэ?
Та ______________ тазьы валэктыны луоз: коньыос зэм но губиосты
__________. _______________ асьсэлы уно губи дасяло. ___________ губиез
_____________ писпуос вылэ но тубтылыны ______________, љоггес куасьме,
курытэз, _____________ губиослэн сярысь, ичигес. Кыкетћез валэктон: губилэн
вылтусыз коньы _____________, џужалэс-горд.
(Е. Загребин)
III. Сѐтэм югдуръя веран.
Россиын кемалась ӧвӧл пусйыны кутскизы Анайлэсь нуналзэ. Со
пусйиське шуркынмонлэн берпуметӥ арнянуналаз, нылкышнолэсь анай ужзэ,
нылпиосыз понна улонзэ сӥземзэ данъяса. Туэ со нунал 24-тћ шуркынмонлы
тупаз. Кызьы тон малпаськод, кулэ-а таӵе праздник? Кулэ ке, малы? Тынад
чакламедъя, кызьы пусйиськыны кулэ та праздник? Кыӵе ужрадъѐс ортчыны
кулэ та нуналэ? Пусйиськоды-а Анайлэсь нуналзэ семьяяды? Пусйиськоды
ке, кызьы?
Ужез быдэстыкуд тыршы:
● тунсыко малпанъёстэ усьтыны;
● текстэдлэсь люкетъёссэ радызъя, бќрсьысь бќрсе, ог-огенызы герњаса
сётыны;
● орфографилэсь но пунктуацилэсь куронъёссэ лыдэ басьтыны.
IV. Чеберлыко текстъя малпаськон.
Лыдœы Т. Архиповлэсь «Адямилэн чеберез» романысьтыз люкетсэ. Текст
вылэ пыкиськыса, А.Х. Шадринлы дунъет (характеристика) гожты.
‒ Тани тон ӝыны улондэ улӥськод ини. Вот малпа, маид тынад вань? Уг
тодӥськы, оло, быдэс гурезь банкын кылле, ‒ Шадрин пальпотӥз. ‒ Татын
тынад улон сэрегед ӧвӧл, семьяед ӧвӧл, улӥськод, нунал ортчытӥськод.
‒ Ӧвӧл ке, луоз, ваньмыз луоз, ваньмызлы аслаз дырыз, чидано, – вераз
Романов.
Шадрин серектӥз.
‒ Милям Соломеямылэн философиез выллем со. Чида, сопал дуннеын
усто луоз. Но тод, сыӵеос мукетызлы гинэ озьы шуо. Асьсэос со законъя уг
уло. Шуиськод, ваньмыз луоз. Луоз, мон но оскисько. Нош ку луоз? Дыр
ортче. Адямилэн улонэз одӥг. Я тон ялан утчаськод: таиз умой ӧвӧл, соиз
урод, таиз уг яра, мукетыз уг кельшы.
‒ Мон уг валаськы, Андрей Харитонович, кыӵе Тӥляд ӵектонды? Кытчы
кыскиськоды?
‒ Мон нокытчы но кужмын уг кыскиськы, номыре но мыным кулэ ӧвӧл
тынэсьтыд. Ӟеч лэсьтэме потэ. Плотник луон ‒ со туж усто профессия.
Быгатыны гинэ кулэ. Быгатэм вылэ яратыны. Тон быгатод. Киосыд зарни,
адӟисько. Мынам тонэ умой-умой плотник кареме потэ. Ужан тӥрлык тон
киын мед шудоз, музыкант киын кадь. Валаськод-а сое? Нош яратытэк озьы уг
луы <…>.
10 класс
Калык азе потӥсько ке, куанӥсько
Константин Никитин – Щепкин нимо театр училищеез туэ быдтэмъѐс
пӧлын азьветлӥсь. «Узы-боры» киноысь Максим, «Шунды» казакпи, кырӟась но
ӝытъѐсты нуись.
– Константин, мон тодӥсько, алигес тон выль кырӟан гожтӥд шуыса. Кыксэ
гинэ кырӟандэ тодӥсько.
‒ «Яратонэ» («Пот ни, пот…») гурез Дима Загребин кырӟа вал. Мыным та
кырӟан малы ке туж кельшиз, Дима сое кузьмаз. Мыным соку 17 арес гинэ вал ай.
Ижкарын лэсьтӥськонъя 4-тћ номеро лицейын дышетски, 9-тӥ класс бере
электрогазосварщик луыны малпасько вал. Дышетски но – мар ке сюлэмам ӧз
лякиськы (серекъя).
«Яратӥ-яратӥ» кырӟанэз Анатолий Эркишев дорын гожтӥ. Нырысьсэ
удмурт кылын со 2009-тӥ арын «Усточикар» лагерьын чузъяськиз. Мар мыным
кельше «Усточикарын» – смена бере пиналъёс концертэн гуртъёсы потало.
Удмурт кылэ та бигер кырӟанэз Фанил Нуриахметов берыктӥз. Соку баянэн
шудыса кырӟамы. Гожтыны ӧй ваньмылы, туэ гинэ «Камали» студиозь вуи.
Толяен кылмы тупаз. Шӧдӥсько, со но вите, тани-тани мар ке вылез «пуштоз»
шуыса… Огазьын ужаны кельшиз.
‒ Ку удмурт егитъѐс борды кыстӥськид?
‒ «Шунды» огазеяськонэ кыскизы Эграысь Люба Громова но Пичи Пурга
ёросысь Гожняысь Люда Чернова. 2007-тӥ арын «Шундыкаре» ветлӥ. Мон соку
удмуртъёслэн движенизы сярысь воксё номыр но уг тодӥськы вал. «Шунды» али
ке но бордаз возе. Туэ со мыным выль проектъёсыныз (турслёт, лаборатория)
кельшиз.
‒ Коля Анисимов бигерзэ кырӟа, Тимерханова но… Тынад кырӟан дуннеед
маин висъяськоз?
‒ Аслэсьтым гожтэм гуръёсме кырӟаме потэ. Кылбурчиос но вань, вӧзам ик
тани Лёша Котков. Ӵош дышетскем пиосынымы гуръёс гожтылӥм ни. «Узыборы» съёмкаос дыръя «Вераме потэ, нылъёс» кырӟан гожтӥм. Сое, зэмзэ вераса,
бурят пиослэсь асэстӥм вал.
‒ Кырӟась удмурт пиос укыр трос ӧз-а луэ? Котельников, Уллапала Бой,
Белослудцев, Йорга Каче радэ пыриськод…
‒ Ма, мон, нырысь ик, театрысь актёр. Калык азе потӥсько ке, куанӥсько.
Азьло сцена вылын туж возьдаськисько вал, мултэс вамыштыны кышкалляй.
‒ Тон али Удмурт йќскалык театрын ужаськод. Выль сезонэз маин усьтоды?
‒ 83-тӥ театр сезонэз усьтомы Д. Фонвизинлэн «Ослопеныз». (Та пьесаын
Константин валтӥсь геройлэсь ‒ Ослоплэсь ‒ рользэ шудэ). Али «Горе от ума»
пьесаез дасяськомы. Москваысь режиссёр Сергей Яшин пуктэ. Со њеч педагог,
Щукин нимо училищеын дышетэ. «Вальс-фантазия» порма лэсьтомы, шуэ.
Грибоедовлэн гожтэмез, зэмзэ верано ке, туж мӧзмыт ук!
‒ Мае витиськод театрлэсь? Кыӵе спектакльѐсты сцена вылын адӟемед
потэ?
‒ Ӟеч режиссёръёслы оскиськом. Визьмо йыръёс уггес тырмо, лэся. Зэмзэ
вераса, классикаез шудыны акыльтӥз ини.
(Дарали Лелия)
Кыллюкам:
Куанћсько ‒ радуюсь
Азьветлћсь ‒ лидер
Асэстћм ‒ позаимствовали
Казакпи ‒ холостой, жених
УДМУРТ ЭЛЬКУНЫСЬ ДЫШЕТОНЪЯ НО НАУКАЯ МИНИСТЕРСТВО
2013-тћ ар
11-тћ класс
Удмурт кылъя ѐрос олимпиадалы юанъѐс
(удмурт кылэз тодӥсьтэм пиналъёсты дышетон программая)
I. Текстэз лыдњыса валан (лыдњиськон).
ТЕСТ
Шонер веранъёсты Ш пусэн тодмосты, янгышъёссэ – Я пусэн.
1. Анатолий Эркишев вордӥськиз Пичи Пурга ёросысь Кабыста гуртын.
2. Усточиослэн школа-интернатазы но Воткинскысь педколледжын
дышетскиз.
3. Фонограммаос но аранжировкаос нырысьсэ педколледжын лэсьтыны
дышетскыны кутскиз.
4. «Шундыкарын» вожатойлэн юрттӥсез луыса ужамез бере, Флор
Васильевен тодматскиз, со Толялы кылбуръёсыныз сборник кузьмаз.
5. Ф. Васильевлэн бичетысьтыз тужгес кельшиз одӥг кылбур, кудӥзъя
«Тодыса-а, тодытэк-а» кырӟан пӧрмиз.
6. 2001-тӥ арын, Дима эшез юрттэмъя, кырӟанъёсын нырысетӥ альбомез
потӥз.
7. «Камали» студиез кылдытӥз Павел Поздеев, юрттӥзы Светлана
Смирнова но Андрей Ураськин.
8. Кылем сӥзьыл 25 адями пӧлысь нырысетӥ 4 дышетскисьёсты бырйизы.
Соос пӧлын ‒ 2 ныл, 2 пи.
9. Сӥзьыл «Пичи Зарни перепеч» вожвылъяськон ортчем бере Женя
Баранов «Камали» студиын дышетскыны кутскиз.
10.
Студилэн тужгес бадӟым сюлмаськонэз – уг тырмо нылпи
кырӟанъёс.
II. Лексика но грамматика удысын быгатонлыкъѐс.
Сѐтэм кылъѐсты радызъя текстысь буш интыосы шонер формае
пуктылыса гожты: но, чылкыт, кулэ, уг, карыны, ваньмыз, ӵош, шунды, кылбур,
тау. Кылъѐслэн радлыксы сураса сѐтэмын.
Котькуд ________________, суредэ ‒ со инкуазьлы __________карон. Тау
___________________солы ваньмыз понна. Одӥг адями но ____________быгаты
инкуазьтэк улыны: вож писпуостэк, _______________ омыртэк, дун вутэк,
_____________________… Уз быгаты со улыны тылобурдоостэк _________
пӧйшуръёстэк. Ведь соос асьмемын ___________ уло та музъеммы вылын. Соин
ик сое ________________утьыны, яратыны ____________.
(А. Леонтьев)
III. Сѐтэм югдуръя веран.
Россиын кемалась ӧвӧл пусйыны кутскизы Анайлэсь нуналзэ. Со
пусйиське шуркынмонлэн берпуметӥ арнянуналаз, нылкышнолэсь анай ужзэ,
нылпиосыз понна улонзэ сӥземзэ данъяса. Туэ со нунал 24-тћ шуркынмонлы
тупаз. Кызьы тон малпаськод, кулэ-а таӵе праздник? Кулэ ке, малы? Тынад
чакламедъя, кызьы пусйиськыны кулэ та праздник? Кыӵе ужрадъѐс ортчыны
кулэ та нуналэ? Пусйиськоды-а Анайлэсь нуналзэ семьяяды? Пусйиськоды
ке, кызьы?
Ужез быдэстыкуд тыршы:
● тунсыко малпанъёстэ усьтыны;
● текстэдлэсь люкетъёссэ радызъя, бќрсьысь бќрсе, ог-огенызы герњаса
сётыны;
● орфографилэсь но пунктуацилэсь куронъёссэ лыдэ басьтыны.
IV. Чеберлыко текстъя малпаськон.
Лыдœы Флор Васильевлэсь кылбурзэ.
песятайлы дунъет (характеристика) гожты.
Текст
Пичи дыръям юай песятайлэсь:
‒ Ӝоген-а адями луо ни мон?
‒ Мертты писпу, ‒ соку шуиз пересь, ‒
Со мед будоз аслыз данъяськымон.
Мерттӥ баблес кызьпу. Веськрес будӥз.
‒ Мон адями луи-а табере?
Пересь кема малпаськыса шуиз:
‒ Тон адями луод корка пуктэм бере.
Корка ӝутӥм.
Выль кен выллем сылэ.
Песятайлэн выльысь вераськонэз:
Пиед, пе, мед вордскоз на, гыдыке,
Луод, пе, адями соку гинэ.
Вордскиз пимы.
Мон котькинлэсь шудо.
Пересь доры ни мынӥсько шӧртчи.
Эн дырты, пе, пиед, пе, мед будоз.
Кыӵе тон адями ‒
Со вералоз ачиз.
Флор Васильев
Кыллюкам:
Данъяськымон ‒ чтобы можно было гордиться
Шӧртчи ‒ бойко, расторопно
вылэ
пыкиськыса,
11 класс
Пичи, поглес, ваменэс
Удмурт эстрадаысь йӧно казакпи. Уй клубъѐсын удмурт крезьгурлы улон
кузьмась диджей. Нылпиослэн но егитъѐслэн «Камали» студизылэн
кивалтӥсез. Удмурт театрысь куарая режиссѐр. Ваньмыз та Анатолий
Эркишев сярысь.
‒ Мон Пичи Пурга ёросысь Кабыста гуртысь луисько. Дышетски
Усточиослэн школа-интернатазы. Туж шаян но адњемпотостэм вал.
Дышетскон кулэ ӧвӧл: крезьгур но, мукет предметъёс но бордазы уг кыско.
5-тӥысен 9-тӥ классозь монэ кызьы чидазы меда? Ачим но малпай:
крезьгурлэсь палэнсконо. Нош анаелэн малпанэз мукет вылэм. Машинае
пуктӥз но Воткинскысь педколледже нуиз. Мар карод, экзаменъёс сётӥ,
кутӥзы.
Педколледжын соку ик синйылтӥ пичияк студизэс – татын фонограммаос
но аранжировкаос лэсьтыны луоно. Всё, сюлэм отчы нуэ, нокыӵе баянэз
кыскаме уг поты ни. Нош мыным шуо, урокъёстэ нырысь лэсьты, собере
студилэсь усьтонзэ сётом. Ярам, дорысь уждэ лэсьтӥськод, собере аппаратура
сьӧрын пукиськод, тазэ-созэ выриськод – уг пӧрмы. Малы? Мын, пе, гармония
предметъя педагогед доры, занятияз сакгес пук, отысь валэктон шедьтод. Озьы
практикаын кулэ луэмъя мон теориысь визь-нод бичай.
Педколледжын 3-тӥ курсэз йылпумъяме бере монэ «Шундыкаре»
вожатойлы юрттӥсе кутӥзы. Смена йылпумъяськыку, Флор Васильевлэн
кылбуръёсыныз сборник кузьмазы. Отысь тунсыко кылбур шедиз. Солы гур
кылдытӥ. Табере мон гужемлэсь быремзэ возьмаса улӥ ни – дышетскыны
мынон понна. Йырам бергась гурез озьы но, тазьы но шудыса утчай. Со ньыль
пол вошъяськиз – витетӥяз кылдӥз «Тодыса-а, тодытэк-а» кырӟанлы крезьгур.
‒ 2001-тӥ арын потӥз кырӟанъѐсын нырысетӥ альбомед.
‒ Альбом понна тау карыны кулэ Дима эшелы. Ми соин артэ туж тамаша
адскиськом вал – со каланча кузьда, мон пичи, поглес. Воткинскын
дышетсконме быдтон азьын Дима шуэ: ойдо альбом гожтом. Солэн бубиз –
ужбергатӥсь, пиезлы дуно синтезатор но, компьютер но кузьмаз. Нош мынам
аслам кырӟанъёсы вань.
Дима эше доры вуи – солэн аслаз студиез. Тани, пе, тыныд инты,
малпаськы-конгыръяськы. О, мынам йырам но, сюлмам но ваньмыз
бугырскиз. Инструментэз ӝуатӥськод но, чиньыос асьсэос кулэ гур пукто.
Малпанъёсы воксё мукет пала нуыны кутскизы. Мар ужасько? Кин понна?
Кыӵе мынам пайдае вань? Педколледжын басьтэм дипломея мон дышетӥсь.
Нылпиосты туж яратӥсько. Гуртэ бертӥсько ке, ӵыжы-выжыослэн векчи
пиналъёссы вылысьтым уг васькало. Башкир но бигер телевидениез учкиськод
ке, соослэн сомында нылпиоссы кырӟало. Нош милям? Вань та бугырскем
мылкыдме эшелы Павел Поздеевлы усьтӥ.
‒ Озьы вордскиз «Камали» студия?
‒ Нырысь валантэм вал ай, мар луоз со. Кылдӥз со Павел Поздеев,
Светлана Смирнова но Андрей Иванович Ураськин юрттэмен. Кылем сӥзьыл
кастинг ялӥм. 25 мурт лыктӥз. Ваньмыз сямен нылъёс, пиос кык кузя гинэ.
Бырйим ньыль нылъёсты.
Сӥзьыл «Пичи Зарни перепеч» вожвылъяськон ортчиз. Отчы вуиз горд
йырсиё пияш. Ойдо, шуисько, милемын ӵош куарадэ «шунтод». Чакласько но,
пияшлэн куараез но вань, нотаосты но кылэ. Мон бурдъяськи, Женялэсь
анайзэ утчаны кошки. Малы, шуисько, «Камали» студие уд ветлӥське. Ми, пе,
со сярысь ќм но кылылэ. Со ӝытэ Женя Баранов Геннадий Ганьковен ӵош
нырысетӥ инты басьтћзы. Собере Женя милям студиямы дышетскыны кутскиз.
Котькуд пиналэн арняяз огпол час но ӝыны ӵоже нимаз занятие нуисько.
Кулэ упражнениос лэсьтӥськом, выриськом, тупатӥськом. Тужгес бадӟым
сюлмаськон – уг тырмо нылпи кырӟанъёс. Оло, нылпи садъёсын ужасьёс
гожъяло, но кулэ дыръя ки улэ уг шедё. Соин куддыръя ӟучысь берыктоно
луылӥз, мукет дыръя ачим гожъяй. Таиз умойгес, малы ке шуоно тодскод
нылпилэсь диапазонзэ, солы тупась тональностен гожтӥськод. Озьы котькуд
пинал понна нимаз кырӟан гожъяны бурдъяськи.
(А. Иониная)
УДМУРТ ЭЛЬКУНЫСЬ ДЫШЕТОНЪЯ НО НАУКАЯ МИНИСТЕРСТВО
Удмурт кылъя ѐрос олимпиадалы ужъѐсты эскеронъя юрттэт
2013-тћ ар
1. Удмурт кылъя ужъѐс
1) Текстэз лыдњыса валан (лыдњиськон).
2) Лексика но грамматика удысын быгатонлыкъёс.
3) Сётэм югдуръя веран.
4) Чеберлыко текстъя малпаськон.
2. Удмурт кылъя ужъѐсты эскерисьѐслы дэмланъѐс
1) 1-тћ но 3-тћ ужъёсты быдэн 5 баллэн дунъяно, нош 2-тћ но 4-тћ ужъёсты –
быдэн 10 баллэн. Озьы ваньмыз џош 30 балл луоз.
2) Нырысетћ ужез (лыдњиськон) быдэстон азьын дышетскисьёс текстэз нырысь
асьсэ понна сак лыдњыны кулэ. Тестэз быдэстон азьын текстъёссэс октоно. Котькуд
шонер валэктонлы 0,5 балл сётоно. Дас шонер валэктон – 5 балл. Текстлэсь
шорсюлэмзэ валаны люкетћсь но кулэ ивортон сётћсь кылъёс но соослэн њуч кылэ
берыктэмзы нимаз пусъемын.
3) Кыкетћ ужын сётэм кылъёсты радызъя текстысь буш интыосы пуктылоно
(10 кыл). Котькуд шонер кылформаез 1 баллэн дунъяно. Озьы ваньмыз 10 балл
люкаське.
4) Куинетћ ужез эскерыку, одно ик лыдэ басьтоно:
● веранлэсь љутэм ужпумлы тупамзэ;
 тунсыко малпанъёсты усьтыны быгатэмез;
● ужлэн люкетъёсызлэсь бќрсьысь бќрсе, куспазы герњаськыса радъяськемзэс;
●
предложениын
кылъёслэсь
удмурт
синтаксислэн
куронъёсызъя
интыяськемзэс;
● текстлэсь лексикая но грамматикая узырлыксэ но пќртэмлыксэ;
● веранлэсь лексикая, фонетикая но грамматикая шонерлыксэ;
 орфографилэсь но пунктуацилэсь куронъёссэ лыдэ басьтэмез.
5) Ньылетћ ужез эскерыку, чаклано:
● сётэм юанлы валэктон шедьтыны быгатэмез;
● ас малпанъёссэс усьтыны быгатэмез;
● образлы дунъет (характеристика) сётыны быгатэмез.
6) Ужъёсты эскерыны «усьтонъёс» (валэктонъёс) юрттозы:
I. Текстэз лыдњыса валан (лыдњиськон).
● 9 класс
1) Я; 2) Ш; 3) Я; 4) Ш; 5) Ш; 6) Я; 7) Ш; 8) Ш; 9) Ш; 10) Я.
● 10 класс
1) Ш; 2) Ш; 3) Я; 4) Ш; 5) Ш; 6) Ш; 7) Ш; 8) Я; 9) Ш, 10) Я.
● 11 класс
1) Ш; 2) Ш; 3) Ш; 4) Я; 5) Ш; 6) Ш; 7) Я; 8) Я; 9) Ш; 10) Ш.
II. Лексика но грамматика удысын быгатонлыкъѐс.
● 9 класс
Пуке, туж, капчи, интые, огшоры, туйлэсь, лэсьтыны, киужез, азвесь, кадь.
● 10 класс
Юалоз, гинэ, юанлы, ярато, толалтэлы, та, соослы, капчигес, мукет, выллем.
● 11 класс
Кылбуре, тау, карисько, уг, чылкыт, шундытэк, но, ӵош, ваньзэ, кулэ.
1/--страниц
Пожаловаться на содержимое документа