close

Вход

Забыли?

вход по аккаунту

код для вставкиСкачать
healthy-heart
Slide 1: Heart Health
Pyare Darshako, Aapka svagat hai Sampoorn Svasthya Karyakram me. Sampoorn Svasthya Kendra
Ayurveda aur Natural Sadhano ke jariye Svasthya ki kunji aap sabhi ke hatho me saupta hai.
Hamare Beech Sampoorn Svasthya Kendra se Dr. Vikram Aditya Tomar Aaj Heart Health par Charcha
karenge aur aapko Hriday ke svasthya se sambandhit jaankar pradan karenge.
Slide 2: Call for Action
Aap Sampoorn Svasthya Kendra se Ayurvedic v Herbal Products ko Ghar Baithe order kar sakte hai.
Screen par diye gaye number par Call karke aap in sabhi bimario ki jaankari evam Inke liye Ayurvedic
Herbal Products prapta kar sakte hai. Aap hame sms bhi kar sakte hai. Aap Dr. Saheb se appointment ke
liye bhi phone ya sms kar sakte hai.
Slide 3: Welcome
Aaiye ek bar phir svagat karte hai Sampoorn Svasthya Karykram me Dr. Vikrama Aditya ka.
Dhanyavad, Thanks. Namaste!
Dr. Saheb Aaj hum aapse Heart health vishaya par charcha karna chahenge. Beech mein Hamare darshak
bhi sawal puchhkar aapse jankari lete rahenge.
Ok. Great.
Slide 4: About Heart Health
Dr. Saheb, Ye Dil itna jaroori hai jindagi ke liye. Iski health kyu itni jaroori hai ham sabhi ke liey.
Heart ki health ke liye teen jaroori pehloo hai. Hriday ka Sampoorn Svasthya in teeno par depend karta
hai.
Pehla – Heart ek vishesh prakar ki muscle hai, jo bina thake lagatar poore sharir me blood pump karta
hai. Yeh Process pur zindagi lagatar chalti hai. Hridaya ko bhi special nutrients ki jaroorat hoti hai. Heart
ka strong hona jaroori hai.
Doosra – Heart ke alava jo blood vessels ka network hai, Uska healthy hona bhi jaroori hai. Isse Blood
vessels or Circulation thik hoga aur blood pressure bhi normal rahega.
Theesara, hamar digestion v metabolism bhi healthy hona chahiye. Cholesterol ka badhna puri tarah se
metabolism ki samasya hai. Badha cholesterol blood circulation ko prabhavit karke Heart ki kai tarah ki
kai tarah ki bimario ko paida karta hai.
Sampoorn Svasthya kendra me hum in teeno pehluo ko theek kar aapke Heart evam blood circulation ko
Healthy banane ke koshish karte hai. Yehi hai complete wellbeing of heart.
Slide 5: Common Heart Disorders
Dr. Saheb, Heart ki kaun kaun si bimario usually hoti hai?
Dekhiye, High Blood Pressure, High Cholesterol or Blood flow ka badhit hona ye karib karib sabhi heart
ki bimario ka karan hai. In factors ka dhyan rakhkar aap Angina, Heart Attack, Coronary Artery disorders,
Stroke aadi Jaanleva bimario se bach sakte hai.
Dr. Saheb, yeh to vastva me bahut accha vishaya aapne rakha ki hum thodi savadhani rakhkar inse bach
sakte hai.
Slide 6: Caller Parvez Saharanpur, BP
Caller:
Dr. Saheb, Namaste, main Parvez Shah Sahranpur se bol raha hun.
Meri Umra 40 saal hai. Main private job karta hu. Picchale kuch mahino se mujhe high blood pressure ke
shikayata hai. Achanak check up karane par mujhe iska pata chala. Mudhe keval pet me gas or kabz ke
shikayat thi, baki sab bilkul theek tha.
Dekhiye…………………ji, Aajkal ki hectic life me 30-40 saal ki umra se hi high blood pressure ki shikayat
rehna normal si bat ho gayi hai. High Blood pressure ko Silent Killer bhi kahte hai.
Kaphi logo me achanak checkup se hi iska pata chalta hai. Kuch logo me sirdard, chest me bharipan or
thoda tanav adi hi mehsoos hota hai.
Aap 35-40 ke umra se hi regular BP check karaye. Har naye patient ko, balki har Middle age ke person ko
in bato ka dhyan rakhna chahiye.
Pehla, Roj 3 litre ke karib paani piye.
Doosra, Jyada Namak lene se bache. Saindha v Kala namak me kai minerals hote hai jo normal salt se
acche hai. Unka sevan kariye.
Teesara, Pet hamesha saf rakhe. Gas v kabz ko apne se dur rakhe. Agar jyada pareshani ho to Aap Amrit
Sandhya ka upyog kare, Aapko pet and body ke detox ke dwara faida milega.
Chauthe, Ek glass pani ubaliye. Ubalne par, Gas band kijiye, Usme ½ tsf Saunf, ½ tsf pisa dhaniya, ½ tsf
Amla, Gulaab ki 10 pattiya aur 5 Tulsi ke patte ko dalkar, bartan dhak kar 1 ghante tak rakhiye. Iske
bad ise chhankar pee sakte hai.
Is Home remedy ke kuchh din istemal kariye. aapko fayda milega.
Slide 7: Caller, Suresh Jain, Gurgaon, Exercise
Caller:
Dr. Saheb, Namaste, Main Suresh Jain Gurgaon se hun. Meri age 35 hai.
Main bhi aapse hypertension ke bare me pucchna chahta tha. Aapne meri baat ka jabab de diya. Mujhe
doubt hai ki exercise hypertension mein nuksan kar sakti hai. Aap kya kahenge.
Sureshji, Aapne kafi acchha sawal kiya. Dekhiye, kucch points ka aapko dhyan rakhna hoga.
Pehla, Exercise jaise, tej chalna, halki jogging, swimming naye blood pressure ke patient ko hamesha
faida hi karegi.
Doosra, agar aapka BP kafi jyada hai, aur aap koi exercise bhi nahi karte to aapko, dhire dhire apane
stamina ke anusar exercise badhani hogi. Gradually apni exercise capacity ko stretch kariye.
Ek daily routine banaiye. Ayurved to hamesha apni strength se aadhi exercise ki hi salah deta hai.
Har Aerobic exercise se, jisme svas tej chalne lage, heart beat badh jaye, thoda pasina aye, exercise ke
dauran BP badhta hai.
Lekin agar aap exercise ko sahi tarike se, apni age v strengthe ke hisab se regularly karenge or use
gradually build up karenge to heart health ke liye exercise ek behtareen tool hoga.
Slide 8: Blood Circulation
Anchor: Aapne Blood Pressure ke bare me kafi acchi salah di. Blood Circulation kya hai. Ise kaise theek
rakhe.
Dekhiye, Blood vessels ka jo network hai, usme blood flow hota hai. Blood sare sharir ko oxygen or
nutrients deta hai, hamare heart ko bhi. Agar circulation proper nahi hoga, isme rukavat ayegi, chahe
vah high blood pressure se ho ya cholesterol se, dono conditions hi harmful hogi.
Dr. Vikram, inse kya bimario ho sakti hai?
High BP me heart or blood vessels par jyada load padta hai. Chhoti blood vessels se internal bleeding bhi
ho sakti hai. High cholesterol se blood flow badhit ho sakta hai.
Dekhiye, Angina me heart ko oxygen v nutrients nahi mil pate to chest me bharipan v pain hone lagta
hai. Yehi samasya jyada badhne par Heart attack bhi ho sakta hai.
Agare blockage brain me ho to Stroke eva, paralysis ki shikayat ho jati hai.
In bimario ka thik or jaldi ilaj na milne par death ka karan bh hoti hai.
Slide 9: About Heart Health Kit
Dr. Saheb, Ab puri tarah samajh me aya ki kyu aapne is program ke shuru mein Heart health ke teen
pehluo ko jaroori bataya. Sampoorn Svasthya ki Heart Health kit in teeno par kaise prabhav dalti hai.
Aapne kafi interesting sawal kiya hai.
Sabse pehle, Amrit Sandhya ek full body detox or colon cleansing ka kam karta hai. Isse aapka digestion
or metabolism dhire dhire thik hone shuru hoga.
Uske bad, Amrit Prabhat ki Rasayan jadi bootia puri body ko rejuvenate karengi.
Phir hamara ek or vishesh Herbal Product, heart health ke teeno factors kaam karega. Ye heart ko
strength dega, blood circulation ko theek karega, cholesterol ko bhi control rakhne me madad dega.
Ek Heart Health Kit – Teeno Kam ek satha.
Slide 10: Break
Break:
Aap Sampoorn Svasthya Kendra se Ayurvedic v Herbal Products ko Ghar Baithe order kar sakte hai.
Screen par diye gaye number par Call karke aap in sabhi bimario ki jaankari evam Inke liye Ayurvedic
Herbal Products prapta kar sakte hai. Aap hame sms bhi kar sakte hai. Aap Dr. Saheb se appointment ke
liye bhi phone ya sms kar sakte hai.
Slide 11: Caller, History of Heart Problems
Caller:
Dr. Saheb, ……………………………….
Meri umra 35 sal hai. Meri family me kai logo ko BP v heart ki problem hui hai. Kya aapki Heart Health
Kit main le sakta hun jabki mujhe abhi koi problem nahi hai.
Dekhiye, Ye main hamesha kehta hu ki Ayurveda ki jadibooti dohra prabhav rakhti hai. Ye bimari ko thik
kar sakti hai or prevention me bhi madad karti hai.
Aap bina kisi doubt ke or bina kisi side effect ke chinta ke ise prayog kar sakte hai. Ye medical drug nahi
hai ki normal aadmi ko lene par BP kam ho jayega
Anchor: Dr. Saheb, Ye to vastav mein kafi important fact bataya aapne herbs ke bare mein.
Slide 12: Caller, Cholesterol
Caller:
Dr. Saheb, ……………………………….,
Meri Umra 48 hai. Mujhe high cholesterol hai. BP bhi high rehta hai. Mujhe kya karna chahiye.
Dehiye, Aapko jyada dhyan rakhne ki jaroorat hai, kyunki aapki age me 48 hai. Kucch salah follow
karenge to aapko benefit milega.
Low Fat milk, dahi v matthe ka prayog kare. Dahi v matthe me jeere and pudina ka use kare. Dudh ke
satha tulsi patte v dalchini ko ubalkar jaroor le. Dalchini ya Cinnamon ek aisi herb v masala hai jiski India
me jyada prayog ki jaroorat hai. Yeh Weight Loss, Cholesterol v Blood sugar ko control rakhne me helpful
hai.
Fresh Fruits v Vegetables, Salad, Sprouted grains Nature ka vardaan hai. Ye Zero cholesterol food items
hai. Inka daily prayog jaroor kare.
In sabke sath exercise ko bhi apni lifestyle me laye.
Slide 13: Caller, Heart Patient,
Caller:
Dr. Saheb, ……………………………………, Meri umra 58 saal hai. Mujhe 2 bar heart attack ho chuka hai. Main
aapka Heart Health kit lena chahta hu. Mujhe bataye ki main iska use kaise karun.
Aapko kuch baaten dhyan deni hai..
First, aap jo bhi medicines le rahe hai, unko continue rakhiye, aap cardiologist ki routine visit v checkup
bhi karaye.
Un sabke satha aap Heart Health kit ko use kare. Isse dhire dhire aapko benefit milega. Iske alawa, diet,
exercise and lifestyle ki hamari salah ka palan kare. Aapki health jaroor better hogi.
Slide 14: Caller, Savitri, 43, Using Garlic
Caller:
Dr. Saheb, Namakar, Savitri, Mumbai se bol rahi hun, Main 43 varsh ki hu. Mujhe kuchh dino se High BP
rehta hai. Main lasson ki poth ko kacchi nigal rahi hun. Kya ye sahi hai.
Savitriji, Namaste. Apna BP regular basis par check karaye. Lasun ki poth ko kaccha lena thik nahi. Garlic
me strong volatile oil hote hai. Ayurvedic v Indian cooking me bhi ise ghee ya tail me fry karke lena hota
hai.
Aap lasun ki 1-2 poth ko ½ cup matthe ya dudh me rat ko bhigokar rakh de. Subah uthakar ya naste se
pehle, ise pani se le sakte hai. Dudh ya mattha faik sakte hai. Is tarah se aap lasun ki ugra property ko
kam kar ise heart ki better health ke liye le sakte hai.
Slide 15: Golden Tips
Darshako, Ab vakta ho chala hai, Aapse vida lene ke. Main Dr. Saheb se aapko heart health ki Golden tips
dene ke liye kahungi.
Main aapko kucch golden tips deta hun. Inse aap heart disorders ke risk factors kam kar sakte hai or inhe
better tarike se manage bhi kar sakte hai.
First…Smoking v Alcohol ka use na kare.
Second… Apne weight ko manage kare. Apko model jaisa dikhane ki jaroorat nahi bus healthy v fit hona
hai. Thoda sa bhi jyada weight heart v blood circulation ke load ko badha deta hai. Iske liye aap hamari
Weight Loss Kit ko bhi order kar sakte hai.
Third… Daily apne sharir ki prakriti ke hisab se physical activity jaroor kare. Isme tej ghoomna, jogging,
yoga, Pranayam ko shamil kare.
Fourth….Stress ko samjhe or use bhi acche tarike se manage kare. Healthy diet v exercise ke sath thoda
meditation karne se aapko faida milega.
Fifth, Diet me whole grains, fruits, vegetables ka samavesh kare. Inse aapko bimario se ladne me
sahayak antioxidants milenge.
Vegetable oils jaise sarso ka tail, sunflower oil, Mungphali ka tail ka prayog bhi limited matra me kare.
Low fat milk, dahi v matthe ka istemal kare. Isse aapka blood lipid profile healthy rahegi.
Aap roj Dalchini, Amla, Triphala, Lasun, Haldi, Tulsi patte ka istemal kare. Inse bhi aapko faida milega.
Yad rakhe masale v jadi bootio ka khane me uchit matra me istemal hamare rishi muniyo ne bahut soch
samjhkar rakha hai.
In sabka kariye or apne heart ko healthy rakhiye.
Dr. Saheb, Aapne heart ko healthy rakhne ke liye kamal ki golden tips di.
Slide 16: End
Aap Sampoorn Svasthya Kendra se Ayurvedic v Herbal Products ko Ghar Baithe order kar sakte hai.
Screen par diye gaye number par Call karke aap in sabhi bimario ki jaankari evam Inke liye Ayurvedic
Herbal Products prapta kar sakte hai. Aap hame sms bhi kar sakte hai. Aap Dr. Saheb se appointment ke
liye bhi phone ya sms kar sakte hai.
1/--страниц
Пожаловаться на содержимое документа